President Cyril Ramaphosa announce say tourists from Nigeria now fit apply for visa without submitting passports.

 Photos from di 11th session of di Nigeria-South Africa Bi-National Commission (BNC) for Cape Town, wey President Bola Tinubu attend.

For there, President Cyril Ramaphosa announce say tourists from Nigeria now fit apply for visa without submitting passports.

Ramaphosa tok say dem don simplify di visa processes to facilitate travel for Nigerian business pipo and tourists, wit measures like five-year multiple entry visas.

"Our efforts to create favourable environment include our simplified visa process for Nigerian business pipo to travel to South Africa. Qualifying Nigerian business pipo fit get five-year multiple entry visa," e tok.

"As we mark 30 years since di establishment of diplomatic relations, we see bright future for our relationship. Our strong bonds of friendship provide firm foundation for more meaningful economic cooperation.”

Ramaphosa call for more investments to build di economy of both kontris while im encourage Nigeria companies to invest for South Africa economy.

"Nigeria na host to a number of South African companies. South Africa don always dey open to Nigerian business, e show for di number of investments and operations established for dis kontri.

"But plenty things still dey wey need to be done. We need to remove di remaining road block to greater investment, just as we need to address some of di challenges wey companies don experience.

President Ramaphosa acknowledge di Nigerian government reforms to further strengthen and encourage a business environment wey offer assurances to investors, including from South Africa.

"Our government continue with im efforts to improve di ease of doing business in South Africa. We want to enable investors to operate, trade and pursue opportunities in various sectors.

"We look forward to seeing more Nigerian companies investing in South Africa," e tok.

: Nigeria presidency

WE ALWAYS KEEPS YOU UPDATED